راولپنڈی (این این آئی ) تھانہ چونترہ کے علاقے میں پی ٹی آئی اور مسلم لیگ (ن) کے دو گروپوں میں خونی تصادم دو افراد فائرنگ سے شدید زخمی پولیس کی بھاری نفری موقع پر روانہ ،تفصیلات کے مطابق گزشتہ روز تھانہ چونترہ کے علاقے سہال اڈے پر مسلم لیگ (ن) اور پی ٹی آئی کے دو گروپوں میں خونی تصادم ہوا جس کے نتیجے میں دو افراد شدید زخمی ہو گئے جن کو سول ہسپتال منتقل کر دیا گیا فائرنگ کا سلسلہ آخری خبر آنے تک جاری رہا ،پولیس کی بھاری نفری
موقع پر روانہ پولیس افسران نے کر دی ، بتایا جاتا ہے کہ چونترہ کے علاقے سہال میں گزشتہ چار ماہ سے دو گرپوں میں سیاسی رنجش بازی شدت کے ساتھ چلی آرہی ہے جس نے گزشتہ روز خونی تصادم کی شکل اختیار کر لی ، این این آئی کے رابطہ کرنے پر تھانہ چونترہ کے ڈیوٹی محرر نے بتایا کہ پولیس نفری موقع پر روانہ کر دی گئی ہے ، زخمیوں کے ناموں کا تاحال کوئی پتہ نہ چل سکا البتہ دو افراد کے زخمی ہونے کی اطلاع ہے، رات گئے علاقے میں کشیدگی جاری تھی۔
