اسلام آباد (مانیٹرنگ ڈیسک) چوہدری پرویز الہی نے اے آر وائی سے گفتگو کرتے ہوئے کہا کہ ہم پانچ سال سے تحریک انصاف کے ساتھ چل رہے ہیں، ہماری تحریک انصاف سے سیٹ ایڈجسٹمنٹ ہوئی ہے، پنجاب کی وزارتِ اعلیٰ کے لیے عمران خان سے بات ہو گی، ہم اپنوں کے ساتھ چلیں گے مخالفوں کے ساتھ نہیں، مسلم لیگ (ق) کے چوہدری پرویز الہی

نے گفتگو کرتے ہوئے کہا کہ پنجاب کو چلانا اتنا آسان کام نہیں ہے، پنجاب اسمبلی میں ہماری 8 سیٹیں ہیں اور قومی اسمبلی میں 5 ہیں۔ فارورڈ بلاک بنیں گے اور پہلے بھی بنتے رہے ہیں، آزاد امیدواروں کے ساتھ میرے رابطے ہو رہے ہیں،دوران گفتگو انہوں نے کہا کہ میرا چوہدری نثار علی خان کے ساتھ کوئی رابطہ نہیں ہوا ہے۔