اسلام آباد (مانیٹرنگ ڈیسک) تحریک انصاف کے چیئرمین عمران خان کے دیرینہ دوست زلفی بخاری نے ایک نجی ٹی وی چینل سے گفتگو کرتے ہوئے کہا کہ بہتر ہے پاکستان کرکٹ بورڈ کے چیئرمین نجم سیٹھی خود استعفیٰ دے دیں، انہوں نے کہا کہ عمران خان سے بڑھ کر کرکٹ کو سمجھ کسی کو نہیں یہ بات دنیا جانتی ہے، انہوں نے کہا کہ الیکشن صرف جیت کے لیے

نہیں تھا، بت توڑنا ضروری تھے، زلفی بخاری نے گفتگو کرتے ہوئے کہا کہ خان صاحب اسد عمر کو پہلے ہی وزیرخزانہ منتخب کر چکے ہیں۔ انہوں نے ریحام خان کو شریف فیملی کا مہرہ قرار دے دیا اور کہا کہ سارے مہرے پٹ گئے ہیں۔ زلفی بخاری نے ایک سوال کا جواب دیتے ہوئے کہا کہ کابینہ میں وزراء با اختیار ہو ں گے اور خیبرپختونخوا میں ایک مثال قائم ہوگی۔