اسلام آباد(مانیٹرنگ ڈیسک) پی ٹی آئی کی حکومت مینو فیکچرنگ اور انٹر پرائزز سیکٹر کی ترقی کے لیے اقدامات کرے گی، اسد عمر۔ تفصیلات کے مطابق پاکستان تحریک انصاف کے رہنما اور عمران خان کی جانب سے نامزد کردہ پاکستان کے ممکنہ وزیر خزانہ اسد عمر نے اپنی حکومت کے معاشی پالیسی کے نکات پیش کرتے ہوئے کہا کہ پی ٹی آئی کی حکومت مینو فیکچرنگ اور انٹر پرائزز سیکٹر کی ترقی کے لیے اقدامات کرے گی۔ان کا کہنا
ہے کہ پرائیوٹ سیکٹر کو 50لاکھ گھر بنانے کے لیے سہولت فراہم کریں گے، سیاحت کو فروغ دیں گے، ٹیکس ایڈمنسٹریشن اصلاحات، انرجی چیلنج سے نمٹنا، چائنہ پاکستان اکنامک کوریڈور کو گیم چینجر بنانا، در آمدات اور برآمدات کا درمیانی فاصلہ کم کرنا شامل ہیں۔اسد عمر نے مزید کہا کہ جب لوگوں کو حکومت پر اعتماد ہوگا وہ خود ٹیکس ادا کریں گے، تعلیم، صحت اور سوشل سروسز بھی تحریک انصاف کے سو روزہ چیلنج میں شامل ہیں۔
