لاہور (آ ئی این پی)پاکستان تحریک انصاف کی پنجاب میں حکومت بنانے کی کوششیں جاری ہیں اور وزارت اعلی کے لیے کئی نام سامنے آگئے ہیں۔ذرائع کے مطابق پنجاب کی وزارت اعلی کیلئے عبدالعلیم خان، فواد چودھری اوراٹک سے تعلق رکھنے والے میجر(ر)طاہر صادق فیورٹ امیدوار ہیں۔ پی ٹی آئی کے وائس چیئرمین شاہ محمود قریشی پنجاب اسمبلی کی نشست ہارنے سے وزارت اعلی کی دوڑ سے باہر ہو گئے ہیں
جبکہ عمران خان پنجاب میں تگڑا وزیر اعلی لانا چاہتے ہیں۔خیال رہے کہ پاکستان تحریک انصاف کی جانب سے پنجاب میں حکومت بنانے کی کوششیں زور شور سے جاری ہیں جبکہ پی ٹی آئی وفاق میں حکومت بنانے کی پوزیشن میں آگئی ہے اور کے پی کے میں پی ٹی آئی بغیر کسی اتحادی کے حکومت بنائے گی۔
