لاہور (مانیٹرنگ ڈیسک )عام انتخابات کے نتائج سننے کیلئے پاکستانی عوام کو کافی انتظار کا سامنا کرنا پڑا تاہم کچھ حلقے ایسے بھی ہیں جن کے مکمل رزلٹ ابھی تک الیکشن کمیشن کو موصول نہیں ہو سکے ہیں ۔ ایسے میں الیکشن کمیشن کی کوتاہیاں اور غلطیاں بھی دیکھنے میں آرہی ہیں۔ الیکشن کمیشن کے مطابق تحریک انصاف اب تک 114سیٹیں
حاصل کر سکی ہے جبکہ ن لیگ اور پاکستان پیپلز پارٹی بالترتیب 62اور 43سیٹیں نکالنے میں کامیاب ہوئیں ہیں ۔ الیکشن کمیشن نے اپنی ویب سائٹ پر این اے 37 سے آزاد امیدوار سعید احمد کو کامیاب ٹھہرادیا ہے جبکہ اس سیٹ پر مولانا فضل الرحمان کے بیٹے اسد محمود کامیاب ٹھہرے تھے جبکہ فارم 47پر تاریخ بھی چار دن قبل کی ڈالی گئی ہے ۔
