فیصل آباد (مانیٹرنگ ڈیسک) قومی اسمبلی کے حلقہ این اے 102 فیصل آباد کے غیر سرکاری اور غیر حتمی نتائج کے مطابق یہاں سے تحریک انصاف کے نواب شیر وسیر جیت گئے ہیں، اس حلقے میں مسلم لیگ (ن) کے طلال چوہدری اور تحریک انصاف کے نواب شیر وسیر کے درمیان مقابلہ تھا، اس غیر حتمی
اور غیر سرکاری نتیجے کے مطابق تحریک انصاف کے امیدوارنواب شیر وسیر نے 109706 ووٹ حاصل کیے جبکہ ان کے مقابلے میں ن لیگ کے طلال چوہدری نے 97869 ووٹ حاصل کیے، اس طرح مسلم لیگ (ن) کے امیدوار طلال چوہدری کوایک زبردست مقابلے کے بعد شکست کا سامنا کرنا پڑا۔
