لاہور( این این آئی)عمران خان کی الیکٹیبلز کی سائنس کام کرگئی،ہیوی ویٹ سیاسی مخالفین بھی کھلاڑیوں کے آگے نہ ٹک سکے،کس فارمولے نہ کام دکھادیا؟ خبر رساں ادارے این این آئی کے حیرت انگیز انکشافات،تحریک انصاف کے چیئرمین عمران خان کی الیکٹیبلز کی سائنس کام کرگئی،ہیوی ویٹ سیاسی مخالفین بھی کھلاڑیوں کے آگے نہ ٹک سکے۔تفصیلات کے مطابق تحریک انصاف کے سربراہ عمران خان نے 2013ء کے عام انتخابات میں ناکامی کے بعد
ایک انٹر ویو میں کہا تھاکہ میں سمجھا کہ نئے لوگ آئیں گے تو پورا ملک ان کے پیچھے نکلے گا اور انہیں ووٹ دے گا ،اصل میں مجھے الیکشن لڑنے کی سائنس آتی نہیں تھی ۔ لیکن عمران خان طویل جدوجہد کے بعد یہ جان گئے کہ الیکٹیبلز کی سائنس کیا ہے اوران کا مقبولیت اور الیکٹیبلز کا فارمولا کام کرگیا ۔علاوہ ازیں عام انتخابات کے نتائج کے بعد سیاسی جماعتوں کو حاصل ہونے والی پوزیشن کے بعد وفاق اور پنجاب میں آزاد امیدوار اہمیت اختیار کر گئے ، سیاسی جماعتوں کی جانب سے رابطوں کا آغاز ہونے پر آزاد امیدواروں نے بھی اپنے قریبی رفقاء سے مشاورت شروع کر دی ۔تفصیلات کے مطابق عام انتخابات میں سیاسی جماعتوں کو واضح اکثریت حاصل نہ ہونے کی وجہ سے حکومتیں بنانے کیلئے آزاد امیدوار اہمیت اختیار کر گئے ہیں ۔وفاق میں عددی برتری کی وجہ سے تحریک انصاف حکومت بنانے کی پوزیشن میں ہے اس لئے ممکنہ طو رپر آزا د امیدوار بھی اپنا وزن اس کے پلڑے میں ڈال سکتے ہیں۔ وفاق میں پی ٹی آئی کی حکومت بننے کی صورت میں پنجاب کے آزاد امیدواروں کی ترجیح بھی پی ٹی آئی ہی ہوگی۔ دوسری جانب سیاسی جماعتوں کی جانب سے رابطوں کا آغاز ہونے کے بعد آزاد امیدوار وں نے مستقبل کے فیصلے کیلئے قریبی رفقاء سے مشاورت کا سلسلہ شروع کر دیا ہے اور آئندہ ایک یا دو روز میں حتمی فیصلہ کرلیا جائے گا۔
