اسلام آباد (مانیٹرنگ ڈیسک) عام انتخابات 2018ء ہو چکے ہیں اور ان انتخابات میں تحریک انصاف حکومت بنانے کی پوزیشن میں ہے، پاکستان انتخابات کے انعقاد کے بعد سعودی ریال کی قیمت میں معمولی کمی واقع ہوئی ہے، سعودی ریال کی قیمت 33.90 رہی، جبکہ ڈالر کی قیمت میں بھی معمولی کمی دیکھنے میں آئی ڈالر کی قیمت خرید 129.35 اور قیمت فروخت 130.35 رہی، یاد رہے کہ گزشتہ روز ڈالر کی

قیمت خرید 129.50 تھی، اماراتی درہم کی قیمت بھی کمی کے ساتھ 34.75 رہی۔ واضح رہے کہ گزشتہ کچھ ماہ سے پاکستانی سٹاک ایکسچینج میں بھی مندی کا رجحان ہے اور اس کے علاوہ پاکستان کے معاشی حالات بھی انتہائی خراب ہیں۔ ملک میں سیاسی عدم استحکام کی وجہ سے پاکستانی معیشت بھی کمزور ہوتی جا رہی تھی لیکن عام انتخابات کے بعد پاکستانی روپے کی قدر میں اضافہ ہونا شروع ہو گیا ہے۔

موضوعات:پاکستانی روپے کی قدر