لاہور (نیوز ڈیسک) تحریک انصاف کی واضح برتری پر عمران خان کی سابق اہلیہ جمائمہ خان نے سماجی رابطے کی ویب سائٹ ٹوئیٹر پر اپنے پیغام میں کہا کہ 22 سال کے بعد مشکلات اور قربانیوں کے بعد آخر کار میرے بچوں کے والد پاکستان کے اگلے وزیراعظم بننے جا رہے ہیں۔ جمائمہ نے اپنے ٹویٹ میں مزید لکھا کہ عمران خان کی کامیابی خود پر یقین اور شکست کے آگے سرتسلیم خم نہ کرنے کی بہترین مثال ہے۔ عمران خان کی سابق اہلیہ جمائمہ خان نے لکھا کہ

اب چیلنج اس بات کو یاد رکھنے کا ہے کہ عمران خان سیاست میں کیوں آئے تھے؟ مبار ک ہو عمران خان۔ جمائمہ خان کے اس ٹویٹ کے جواب میں سینئر صحافی حامد میر کا ایسا ردعمل سامنے آیا جو کسی کے وہم و گمان میں بھی نہ ہوگا، سینئر صحافی نے اپنے ٹویٹ میں ردعمل دیتے ہوئے لکھا کہ جمائمہ خان آپ کو مبارک ہو کیونکہ آپ نے عمران خان کی سیاست کے باعث بہت کچھ برداشت کیا ہے لیکن آپ نے بھی بہت مشکل حالات میں عمران خان کی ہمیشہ مدد کی۔