اسلام آباد(مانیٹرنگ ڈیسک )لاہور کے حلقہ این اے 131 سے عمران خان نے سعد رفیق کو شکست دیدی ۔نجی ٹی وی کے مطابق پاکستان تحریک انصاف کے چیئرمین عمران خان لاہور کے اہم ترین حلقے این اے 131 سے کامیاب ہو گئے ہیں ۔انہوں نے 84ہزار 313 ووٹ حاصل کیے ہیں ۔
سعد رفیق نے 83ہزار 633 ووٹ حاصل کیے ہیں ۔واضح رہے پاکستان تحریک انصاف نے لاہور سے مجموعی طور پر 14 میں سے چار سیٹوں پر کامیابی حاصل کر لی ہے جبکہ ن لیگ 10 سیٹوں پر کامیاب قرار پائی ہے۔قومی اور صوبائی اسمبلیوں کے مختلف حلقوں سے نتائج آنے کا سلسلہ جاری ہے ۔
