اسلام آباد(مانیٹرنگ ڈیسک)غیر حتمی غیر سرکاری نتائج کے مطابق پی پی 158لاہور سے تحریک انصاف کے امیدوار عبدالعلیم خان جیت گئے جب کہ ن لیگ کے امیدوار رانا احسن کو شکست کا سامنا کرنا پڑا۔نجی ٹی وی کے مطابق پی پی لاہور سے تحریک انصاف کے امیدوار عبدالعلیم خان نے 52299ووٹ حاصل کئے جبکہ ان کے مدمقابل امیدوار رانا احسن 45228ووٹ حاصل کر پائے ۔
واضح رہے کہ اس سے پہلے لاہور کے حلقہ این اے 129 سے مسلم لیگ ن کے رہنما اور سپیکر قومی اسمبلی ایاز صادق کامیاب قرار۔ غیر حتمی غیر سرکاری نتائج کے مطابق ن لیگی رہنما ایاز صادق نے 97 ہزار 204 ووٹ حاصل کر کے کامیابی حاصل کی جبکہ پاکستان تحریک انصاف کے امیدوار علیم خان نے 90 ہزار712 ووٹ حاصل کیے۔
