اسلام آباد (مانیٹرنگ ڈیسک) سابق صوبائی وزیر داخلہ رانا ثناء اللہ نے ایک نجی ٹی وی چینل کے پروگرام میں کہا ہے کہ پنجاب میں نگران حکومت حسن عسکری کی نہیں ہے بلکہ یہاں حکومت خلائی مخلوق کی ہے، پنجاب کا کنٹرول ان کے پاس ہے، رانا ثناء اللہ نے نجی ٹی وی چینل کے پروگرام میں گفتگو کرتے ہوئے کہا کہ پنجاب کے وزیراعلیٰ حسن عسکری نہیں ہیں بلکہ وہ بکری ہیں، خلائی مخلوق پوری الیکشن کمپین چلا رہی ہے، انہوں نے کہا کہ ہمارے دو بیانیے ہیں، ووٹ کو عزت دو اور خدمت کو ووٹ دو، شہباز شریف

خدمت کو ووٹ دو کے زیادہ نزدیک ہیں، راناء ثناء اللہ نے کہا کہ میاں نواز شریف پاکستان آئے ہی گرفتاری دینے کے لیے ہیں، انہوں نے کہا کہ میرے ساتھ ہزاروں کی تعداد میں کارکنان تھے ، ہمارے بہت سارے کارکنان کو گرفتار کیا گیا، انہوں نے کہا کہ اگر ائیرپورٹ پر حملہ کرنا ہوتا تو لوہاری گیٹ نہ جاتے، انہوں نے کہا کہ ووٹ کو عزت دیے بغیر اب ملک آگے نہیں بڑھ سکتا، پی ٹی آئی گماشتہ جماعت بن کر رہی گئی ہے ان کے رہنما تقریریں کر رہے ہیں کہ ہم پی ٹی آئی کے نہیں خلائی مخلوق کے لوگ ہیں۔