لاہور (آئی این پی)پا کستان مسلم لیگ (ن) کے صدر شہباز شریف نے کہا ہے کہ تمام جماعتوںکو برابری کی بنیاد پر انتخابی مہم چلانے کا موقع ملنا چاہئے‘ نواز شریف کا استقبال کرنا آئینی اور قانونی حق ہے‘ جیلوں اور قید و بند کی صعوبتوں سے ڈرنے والے نہیں۔ جمعرات کو شہباز شریف نے نجی ٹی وی سے گفتگو کرتے ہوئے کہا کہ نواز شریف کا
استقبال کرنا آئینی اور قانونی حق ہے۔ کارکنوں کے ہمراہ تیرہ جولائی کو ایئرپورٹ پہنچوں گا۔ کارکن دوران استقبال سرکاری املاک کو نقصان نہیں پہنچائیں گے۔ جیلوں اور قید و بند کی صعوبتوں سے ڈرنے والے نہیں شفاف انتخابات وقت کی ضرورت ہے۔ تمام جماعتوں کو برابری کی بنیاد پر انتخابی مہم چلانے کا موقع ملنا چاہئے۔ الیکشن کمیشن لیگی کارکنوں کی گرفتاری کا نوٹس لے۔ پولیس حنیف عباسی کو بھی گرفتار کرنا چاہتی ہے کارکنوں کی گرفتاریاں الیکشن کی شفافیت پر سوال اٹھا رہی ہیں۔ پارٹی صدر کی حیثیت سے کارکنوں کی گرفتاریوں پر خاموش نہیں بیٹھوں گا۔
