اسلام آباد(مانیٹرنگ ڈیسک) مسلم لیگ (ن) کی کارنر میٹنگ میں اندھا دھند فائرنگ سے 9سالہ بچہ ہلاک جبکہ ایک 12سالہ بچہ زخمی ہو گیا، تین افراد گرفتار۔ تفصیلات کے مطابق صوبہ پنجاب کے دارالحکومت لاہور کے علاقے کوٹ لکھپت میں مسلم لیگ (ن) کی کارنر میٹنگ کے دوران ہوائی فائرنگ سے 9 سالہ بچہ ہلاک جبکہ ایک 12 سالہ بچہ زخمی ہوگیا۔نمائندہ جیو نیوز کے مطابق لاہور کے صوبائی حلقے پی پی 168 سے مسلم لیگ (ن) کے امیدوار خواجہ سعد رفیق کی انتخابی مہم کے سلسلے میں

کارنر میٹنگ کا اہتمام کیا گیا تھا۔خواجہ سعد رفیق کی آمد سے پہلے ہی ایک مقامی رہنما اسلم بھٹی کے گن مین نے ہوائی فائرنگ کردی۔ گن مین کے ہاتھ سے بندوق پھسلنے سے گولیاں سیدھی چلنے لگیں، جس کی زد میں دو کمسن بچے آگئے۔فائرنگ کے نتیجے میں 9 سالہ مظہر جاں بحق جبکہ 12 سالہ فہد منظور زخمی ہوگیا۔اس موقع پر بھگدڑ مچ گئی، جس کا فائدہ اٹھاتے ہوئے گن مین فرار ہوگیا۔بعدازاں پولیس نے چھاپہ مارکر مرکزی ملزم رمضان عرف بلا کو دو ساتھیوں شبیر اور بلال سمیت گرفتار کرکے اسلحہ برآمد کرلیا۔