لندن (مانیٹرنگ ڈیسک) سابق وزیراعظم میاں محمد نواز شریف کی صاحبزادی مریم نواز نے اپنے شوہر کیپٹن (ر) صفدر کی گرفتاری پر کہا انہوں نے شیر کی طرح گرفتاری دی ہے، مریم نواز نے میڈیا نمائندوں سے گفتگو کرتے ہوئے کہا کہ میاں نواز شریف لندن سے جمعرات کی رات پونے 9 بجے اتحاد ائیر ویز کی پرواز نمبر ای وائے 018 سے روانہ ہوں گے اور لندن سے براستہ ابوظہبی پہنچیں گے بعد ازاں جمعرات بارہ جولائی کو اتحاد ائیرویز کی پرواز سے پاکستان روانہ ہوں گے اور جمعہ کی شام سوا

چھ بجے پرواز اے وائے 243 سے لاہور ائیرپورٹ پہنچیں گے۔ انہوں نے بتایا کہ سینکڑوں کی تعداد میں لوگ ہمارے ساتھ پاکستان جانا چاہتے ہیں۔ مریم نواز نے کہا کہ نے اپنے شوہر کیپٹن (ر) صفدر کے بارے میں کہا کہ وہ میاں صاحب کے سپاہی ہیں اور کروڑوں پاکستانیوں کی طرح ووٹ کو عزت دو کے جھنڈے تلے جمع ہیں، انہوں نے شیر کی طرح دلیرانہ طریقے سے گرفتاری دی۔ مریم نواز نے لندن میں میڈیا سے بات چیت کرتے ہوئے کہا کہ ہم جو قربانی دیں گے اس کا ثمر پاکستانی عوام کو ملے گا۔