لاہور(نیوز ڈیسک) تحریک انصاف نے قومی و صوبائی اسمبلیوں کے امیدواروں کی حتمی فہرست جاری کردی ۔ قومی اسمبلی کے 244حلقوں کیلئے امیدوار نامزد جبکہ صوبائی اسمبلیوں کیلئے مجموعی طور پر 766 امیدوار فائنل کئے گئے ۔قومی و صوبائی اسمبلی کی بعض نشستوں پر سیٹ ایڈجسٹمنٹ کی گئی ۔ راولپنڈی سے شیخ رشید احمد کی عوامی مسلم لیگ ،
مسلم لیگ(ق)، مجلس وحدت المسلمین، اعجاز الحق اور گرینڈ ڈیموکریٹک الائنس سے بھی سیٹ ایڈجسٹمنٹ کا فیصلہ کیا گیا ۔قومی اسمبلی کے 14 جبکہ صوبائی اسمبلیوں کے 42 حلقوں میں خواتین کارکنان بطور امیدوار نامزد ۔صوبائی اور قومی اسمبلی کی نشستوں کیلئے بالترتیب 724 اور 230 مرد امیدوار میدان میں اتارنے کا فیصلہ کیا گیا ۔
