لاہور(آئی این پی)لاہور ہائی کورٹ نے سابق وزرائے اعظم نوازشریف اور کیخلاف بغاوت کے مقدمہ کے اندراج کیلئے دائر درخواست پر شاہد خاقان عباسی کی درخواست منظور کرتے ہوئے سماعت الیکشن کے بعد ستمبر تک ملتوی کر دی جبکہ عدالت نے صحافی سرل المیڈا کو طلبی کا نوٹس جاری کر دیا۔ جمعہ کو لاہور ہائی کورٹ میں سابق وزرائے اعظم نوازشریف اور شاہدخاقان عباسی ودیگرکیخلاف بغاوت کے مقدمہ کے
اندراج کے حوالے سے دائر درخواست کی سماعت ہوئی اس موقع پر سابق وزیراعظم شاہدخاقان عباسی بھی لاہور ہائیکورٹ میں پیش ہوئے۔عدالت نے استفسار کیا کیا سرل المیڈا پیش ہوئے؟ جس پر عدالت کو آگاہ کیا گیا کہ وہ نہیں آئے جس پر عدالت نے صحافی سرل المیڈا کو طلبی کا نوٹس جاری کر دیا جبکہ اس موقع پر شاہدخاقان عباسی نے موقف اپنایا کہ مجھے عدالتی نوٹس موصول نہیں ہوا میں ایپلٹ ٹربیونل کے فیصلے کے خلاف لاہور ہائیکورٹ آیاتھا۔ شاہد خاقان نے عدالت سے استدعا کی کہ اس کیس کی سماعت الیکشن کے بعد تک ملتوی کی جائے۔ عدالت نے ان کی استدعا منظور کرتے ہوئے سماعت ستمبر تک ملتوی کردی۔
