لاہور (نیوز ڈیسک) وفاقی وزیر ریلوے خواجہ سعد رفیق نے کہاکہ ڈاکٹر آصف کرمانی قریبی عزیز اور نہایت قابل احترام ہیں، ان کے ساتھ کوئی تلخ کلامی نہیں ہوئی اس حوالے سے میڈیا پر آنے والی خبر حقائق کے منافی ہے ۔ اپنے ایک ٹویٹر بیان میں انہوں نے کہاکہ ہم سب ووٹ کو
عزت دو کے بیانیہ کے داعی علمبردار ہیں ۔ مسلم لیگ (ن) نوازشریف کی قیادت میں متحد ہے اور مسلم لیگ (ن) میں اختلاف رائے شائستگی سے کیا جاتا ہے ۔ انہوں نے کہاکہ جماعت کی حکمت عملی پر مشاورت اور بحث ایک مستقل سیاسی جمہوری عمل ہے اس پر کبھی پابندی نہیں لگائی گئی ۔
