لاہور (نیوز ڈیسک) چوہدری شجاعت حسین کی کتاب سچ تو یہ ہے کی تقریب رونمائی میں سینئر صحافی و معروف کالم نگار حامد میر اور کئی نامور صحافیوں نے شرکت کی، اس تقریب کے مہمان خصوصی وزیراعلیٰ بلوچستان عبدالقدوس بزنجو تھے، کتاب رونمائی کی اس تقریب میں شیخ رشید بھی شریک ہوئے۔ سینئر صحافی حامد میر نے تقریب سے خطاب کرتے ہوئے کہاکہ میں ناشتے پر طاہر خلیل کے ساتھ بیٹھا تھا
اور انہوں نے مجھ سے سوال پوچھا کہ کیا آپ کو لگتا ہے کہ مسلم لیگ (ن) 2018ء کے انتخابات کے بعد حکومت بنا لے گی؟ سینئر صحافی نے کہا کہ اس پر میں نے ان کی طرف دیکھا اور کہا کہ میرا خیال ہے کہ نہیں۔ جس پر طاہر خلیل نے ایک اور سوال پوچھا کہ پنجاب کی وزارتِ اعلیٰ تو مل ہی جائے گی۔ سینئر صحافی نے کہا کہ اس کا میں نے جواب دیتے ہوئے کہا کہ وہ بھی شاید نہ ملے اور ممکن ہے کہ یہاں پر بھی کوئی عبدالقدوس بزنجو آ جائے، کیونکہ یہ ایک شخص کا نام نہیں ہے بلکہ یہ سوچ بن چکی ہے۔ سینئر صحافی نے کہا کہ آج کل ووٹ کو عزت دینے کی بات ہو رہی ہے، یہ بات چوہدری ظہور الہی نے شروع کی تھی۔ انہوں نے کہا کہ 1970ء کے انتخابات کے بعد جو زمانہ تھا اس کا ذکر چوہدری شجاعت نے اپنی کتاب میں بھی کیا ہے، جو لوگ اس وقت فوجی حکومت کو یہ مشورہ دے رہے تھے کہ پاکستان کی عوام نے جس شخص کو اکثریت دلوائی ہے اقتدار اس کے حوالے کر دیں تو ان لوگوں میں چوہدری ظہور الہیٰ بھی شامل تھے جو اس وقت اسٹیبلشمنٹ کو یہ سمجھا رہے تھے کہ ووٹ کو عزت دو۔ چوہدری شجاعت حسین کی کتاب سچ تو یہ ہے کی تقریب رونمائی میں سینئر صحافی و معروف کالم نگار حامد میر اور کئی نامور صحافیوں نے شرکت کی، اس تقریب کے مہمان خصوصی وزیراعلیٰ بلوچستان عبدالقدوس بزنجو تھے، کتاب رونمائی کی اس تقریب میں شیخ رشید بھی شریک ہوئے۔
