اسلام آباد(مانیٹرنگ ڈیسک)جعلی ادویات بنانے والی کمپنی کا مالک کمرہ عدالت سے گرفتار، آر پی او بہاولپور کو معطل کرنے کا حکم دیدیا گیا۔ تفصیلات کے مطابق سپریم کورٹ میں جعلی ادویات کیس کی سماعت کے دوران چیف جسٹس آف پاکستان جسٹس ثاقب نثار کے حکم پر جعلی ادویات بنانے والی کمپنی کے مالک کو کمرہ عدالت سے گرفتار کر لیاگیا ہے جبکہ عدالت نے آر پی او بہاولپور کو معطل کر دیا ہے۔

خیال رہے کہ اس سے قبل جعلی ادویات کیس کی سماعت کے دوران ریمارکس دیتے ہوئےچیف جسٹس ثاقب نثارکا کہنا تھا کہ آخریہ بندہ کون ہے؟ ،اب تواس شخص کوخوددیکھنے کیلئے مشتاق ہوں،چیف جسٹس آف پاکستان کا کہناتھا کہ ڈریپ اس شخص سے ڈرگیاہے، ہوسکتاہے اس شخص کودیکھ کرمیں مقدمہ ہی واپس لے لوں۔چیف جسٹس کے حکم پر جب جعلی ادویات بنانے والی نجی کمپنی کے مالک عثمان کو عدالت کے روبرو پیش کیا گیا تو عدالت نے ملزم کو گرفتار کرنے کا حکم دے دیا جس پر نجی کمپنی کے مالک کو حراست میں لے لیاگیا،عدالت نے آرپی او بہاولپور کو معطل کردیااور حکم دیا ہے کہ ڈرگ ریگولیٹری اتھارٹی ابھی جاکر اس کی ادویات کی فیکٹری سیل کرے اور تین گھنٹوں میں رپورٹ دے۔گزشتہ سماعت میں سپریم کورٹ میں چیف جسٹس آف پاکستان جسٹس میاں ثاقب نثار نے ڈریپ کی جعلی دواسازکمپنی کیخلاف درخواست کی سماعت کے دوران جعلی دوا ساز کمپنی کے مالک کو طلب کر لیا۔ دوران سماعت چیف جسٹس ثاقب نثار نے استفسار کیا کہ آخریہ بندہ کون ہے؟ ،اب تواس شخص کوخوددیکھنے کیلئے مشتاق ہوں،چیف جسٹس آف پاکستان نے کہا کہ ڈریپ اس شخص سے ڈرگیاہے، ہوسکتاہے اس شخص کودیکھ کرمیں مقدمہ ہی واپس لے لوں۔چیف جسٹس نے دوران سماعت استفسار کیا کہ غیرمعیاری ادویہ سازکمپنی کامالک ڈریپ کے قابوکیوں نہیں آرہا؟

،سی او ڈریپ نے کہا کہ ریاست 4 سال سے بے یارومددگارہے،چیف جسٹس آف پاکستان نے کہا کہ کمپنی غیرمعیاری ادویات بنارہی ہے،اس پر سی او ڈریپ نے کہا کہ کمپنی کامالک اتناطاقتورہے کہ پکڑنہیں سکتے،ان کا کہناتھا کہ کمپنی کیخلاف ایکشن لیں تو ادارے ہمارے خلاف متحرک ہوجاتے ہیں۔چیف جسٹس ثاقب نثار نے ریمارکس دیتے ہوئے کہا کہ آخریہ بندہ کون ہے؟،

اب تواس شخص کوخوددیکھنے کیلئے مشتاق ہوں، چیف جسٹس آف پاکستان نے کہا کہ ڈریپ اس شخص سے ڈرگیاہے،ہوسکتاہے اس شخص کودیکھ کرمیں مقدمہ ہی واپس لے لوں۔سی او ڈیپ نے کہا کہ ڈرگ ریگولیٹری اتھارٹی ڈرنہیں رہی،چیف جسٹس آف پاکستان نے کہا کہ حیرانی کی بات ہے،کمپنی کیخلاف درخواست ڈریپ نے دی،سپریم کورٹ نے سماعت آئندہ منگل تک ملتوی کردی۔

عدالت نے آئی جی پولیس اسلام آبادکوکمپنی کے مالک کی حاضری یقینی بنانے کی ہدایت کردی ہے۔