لاہور (آئی این پی)وزیر اعلیٰ پنجاب میاں محمد شہباز شریف نے کہا ہے کہ (ن) لیگ نے عوام کی بے لوث خدمت کے ریکارڈ قائم کیے ہیں، عوام منفی سیاست کے علمبرداروں کو ووٹ نہیں دیں گے، تحریک انصاف نے خیبر پختونخوا میں بدترین کارکردگی دکھائی، دھرنا گروپ نے عوام کی ترقی میں رخنہ ڈالنے کا ناقابل معافی جرم کیا۔ اتوار کو شہباز شریف نے اپنے بیان میں کہا کہ (ن) لیگ نے عوام کی بے لوث خدمت
کے ریکارڈ قائم کیے، جھوٹ بولنے والوں کے اصل چہرے عوام کے سامنے آچکے ہیں، نیازی صاحب جھوٹوں کے کپتان بن چکے ہیں، عوام منفی سیاست کے علمبرداروں کو ووٹ نہیں دیں گے، نیازی صاحب نے جھوٹ بولنے اور یوٹرن کے عالمی ریکارڈ بنائے ۔انہوں نے کہا کہ تحریک انصاف نے خیبر پختونخوا میں بدترین کارکردگی دکھائی ، دھرنا گروپ نے عوام کی ترقی میں رخنہ ڈالنے کا ناقابل معافی جرم کیا۔
