لاہور (آن لائن) وزیر اعلی پنجاب شہباز شریف نے سپریم کورٹ میں پیش ہونے کا فیصلہ کر لیا ہے شہباز شریف نے کہا ہے کہ وہ خود اور ان کی پارٹی ہمیشہ آئین کی پاسداری کرتے ہیں جبکہ اس سے قبل میاں نواز شریف بھی تمام عدالتوں میں پیش ہوتے رہے ہیں تفصیلات کے مطابق ہفتہ کے روز ایک تقریب کے اختتام پر صحافیوں سے غیر رسمی گفتگو کرتے ہوئے وزیر اعلی پنجاب شہباز شریف نے کہا ہے کہ اگر سپریم کورت نے انہیں بلایا ہے تو وہ ضرور پیش ہوں گے ۔

کیونکہ انہوں نے اور مسلم لیگ(ن) نے ہمیشہ آئین کی پاسداری کی ہے اور اسی وجہ سے سابق وزیر اعظم نواز شریف بھی عدالتوں میں پیش ہو رہے ہیں۔ اس لئے انہیں یا نواز شریف کو احتساب عدالت یا سپریم کورٹ سمیت جو بھی عدالت بلائے گی وہ ضرور پیش ہوں گے انہوں نے کہاکہ پیش ہونے کے وقت سے متعلق کچھ کہنا قبل از وقت ہے کیونکہ انہیں میڈیا کے ذریعے تو معلومات ملی ہیں مگر ابھی باضابطہ نوٹس موصول نہیں ہوا لیکن معزز عدالت جو بھی وقت مقرر کرے گی وہ سپریم کورٹ لاہور رجسٹری میں ضرور پیش ہوں گے ۔

موضوعات:شہباز شریف