جمعرات‬‮ ، 03 اپریل‬‮ 2025 

موچی گیٹ جلسہ میں عوام کو بتائیں گے نواز شریف کو کیوں نکالا گیا،قمر زمان کائرہ

datetime 4  فروری‬‮  2018
ہمارا واٹس ایپ چینل جوائن کریں

لاہور(آن لائن )پاکستان پیپلز پارٹی وسطی پنجاب کے صدر قمر زمان کائرہ نے کہا ہے کہ میاں صاحب آج تاریخی موچی گیٹ کے جلسے میں بتائیں گے کہ آپ کو کیوں نکالا گیاانہوں نے کہا کہ ہم نے اب (ن) لیگ کا گریبان پکڑ کر حساب لینا ہے نواز شریف نے بھٹو خاندان کی سیاست کا خاتمہ کرنے کیلئے مقدمے بنائے لیکن ہم عالمی اور ملک کی عدالتوں سے سر خروہوئے لیکن آپ کے پورے خاندان کو سپریم کورٹ نے چور قرار دیدیا ہے۔

ان خیالات کااظہار انہوں نے گزشتہ روز بادامی باغ میں منعقدہ تقریب سے خطاب کرتے ہوئے کیا تقریب میں پاکستان پیپلزپارٹی لاہور کے صدر عزیز الرحمان چن،اسلم گل ،ثمینہ گھرکی سمیت دیگر رہنماء بھی موجود تھے انہوں نے کہا کہ شریف برادران چاہتے ہیں عدالتوں سے ان کے مرضی کے فیصلے آئیں انہوں نے کہا کہ داتا کی نگری والوں اور نوجوانوں کو آج بروز پیرپانچ فروری کوتاریخی موچی گیٹ جلسے میں شرکت کی دعوت دینے کیلئے آیا ہوں شہیدذوالفقار علی بھٹو نے کشمیریوں کے ساتھ اظہار یکجہتی کیلئے پیپلزپارٹی کی بنیاد رکھی ، کشمیر پاکستان کی شہ رگ ہے جسے بھارت نے بند کر رکھا ہے اس لئے بھٹو نے بنیادی منشور میں لکھا تھا کہ پاکستان پیپلز پارٹی کے قیام کا مقصد کشمیرکی آزادی ہے انہوں نے کہا کہ کنٹرول لائن کے اس پار مودی کشمیریوں پر ظلم ڈھا رہا ہے انہوں نے کہا کہ آج ہم نے میاں صاحب کو پیغام دینا ہے کہ اصل وارث اب لاہورآ گئے ہیں اور پاکستان پیپلزپارٹی ہی لاہور کی اصل وارث ہے انہوں نے کہا کہ ہمارے حریف کہتے تھے پیپلزپارٹی ختم ہو گئی پاکستان پیپلزپارٹی پر نواز ،شہباز اور سیف الرحمن نے مقدمات بنائے ،ہم ان کے دور میں ان کی عدالتوں سے سے بری ہوئے عالمی عدالتوں میں بھی سرخرو ہوئے لیکن میاں صاحب آپ سز ا یافتہ ہیں آپ سپریم کورٹ سے نا اہل ہوئے ہیں سپریم کورٹ نے آپ کو ، آپ کی بیٹی ، بیٹوں، سمدھی ،داماد اور بھائیوں پر مقدمہ کیا ہے یہ ہم نہیں کہتے بلکہ عدالت کہتی ہے کہ پورا خاندان ہی چور ہے ۔

انہوں نے کہا کہ مرکز اور صوبے میں (ن) لیگ کی حکومت ہے ،کسی نے تو آپ پر مقدمہ نہیں بنایا ، آپ پھر کہتے ہیں مجھے کیوں نکالا ،آج موچی گیٹ جلسے میں اس کا جواب دوں گا انہوں نے کہا کہ حدیبیہ پیپر ملز پر چھوٹے میاں کے حق میں فیصلہ آیاتو کہتے ہیں عدالتیں ٹھیک ہے لیکن بڑا بھائی کہتا ہے عدالتیں ہماری خلاف سازش کررہی ہیں بڑے بھائی سے پوچھا جائے اس نے تو عدالتوں کا فیصلہ ماننے کا کہاتھا لیکن میاں صاحب اور

ان کی بیٹی نے عدالتوں کے فیصلے کا کیا حشر کیا ہے ،یہ چاہتے عدالتوں کے فیصلے ان کے مرضی کے مطابق ہوں ۔ہم احتساب کرائیں گے بلکہ (ن) لیگ کا گریبان پکڑ کر حساب لینا ہے ، آپ کے لئے اڈیالہ جیل تیار ہے انہوں نے کہا کہ پاکستان پیپلز پارٹی نے پوری دنیا کے سامنے کشمیرکا مقدمہ لڑا ہے اس مقدمہ کو پوری دنیا نے تسلیم کیا ہے اور ڈکٹیٹرپرویز مشرف ملک سے فرار ہو گیا ہے جو کشمیر کے سات ٹکڑے کرنا چاہتاتھا۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…