فیصل آباد (مانیٹرنگ ڈیسک) درندگی کی انتہا ، چار سالہ بچے کو اغواء کر کے گلہ کاٹنے کی کوشش، زخمی حالت میں قبرستان سے برآمد، تفصیلات کے مطابق جمیل ٹاؤن گلی نمبر2کے محنت کش آصف جمیل کا چار سالہ بیٹامحمد صائم گزشتہ شام گلی میں کھیل رہا تھا کہ نامعلوم افراد نے اسے اغواء کر لیا جسکی تھانہ غلام محمد آباد پولیس کو درخواست بھی دی گئی لیکن گھر والوں کی تلاش پر نہ مل سکا، قریبی 123ج ب ایلیمنٹری سکول کے قریب قبرستان سے

بچے کے رونے کی آواز سن کر راہگیروں نے دیکھا تو نامعلوم افراد اسے گردن پر تیز دھار آلہ سے حملہ کر رہے تھے راہگیروں کی مداخلت پر اغواء کار بچے کو زخمی حالت میں چھوڑ کر فرار ہو گئے ، بچے کو تشویشناک حالت میں الائیڈ ہسپتال پرائیویٹ وارڈ میں طبی امداد کی فراہمی جاری ہے ، غلام محمد آباد پولیس نے بچے کے والد کی مدعیت میں جرم 363/324کے تحت نامعلوم افراد کے خلاف مقدمہ درج کر کے ملزمان کی تلاش شروع کردی ہے۔