اسلام آباد (مانیٹرنگ ڈیسک)عمران خان کی تیسری شادی کی خبر سامنے آتے ہی سوشل میڈیا پر ایک طوفان برپا ہے ، کوئی تو کپتان پر تنقید اور کوئی کپتان کے دفاع کیلئے سرگرم ہے ۔ایسے میں ہی پاکستان کے دو معروف سینئر صحافیوں کا ایک پرانا ویڈیو کلپ بھی سوشل میڈیا پر
وائرل ہو گیا ہے جس میں رئوف کلاسرا اور حامد میر سیاستدانوں کی شادیوں سے متعلق گفتگو کررہے ہیں۔ رئوف کلاسرا کا کہنا تھا کہ وزیراعلیٰ پنجاب شہباز شریف نے ایک سے زائد شادیاں کیں انہوں نے اپنے سٹاف اور پولیس افسران کی بیویوں کو طلاقیں دلوا کر شادیاں کیں، شہباز شریف نے اپنے ماتحت افسران کی بیویوں کو طلاقیں دلوا کر ان سے شادیاں کیں اور پھر طلاقیں دیں لیکن ہم نے بطور معاشرہ اور میڈیا اس حرکت کو تسلیم کر لیا، کسی بھی معاشرے میں حکومتی عہدیدار کا اپنے ماتحت افسران کی بیویوں کو طلاقیں دلوا کر شادی کرنا میرا نہیں خیال کہ کوئی مذہب بات ہے۔ ویڈیو کلب میں عمران خان کی ریحام خان سے طلاق کے بعد حامد میر ایک نجی ٹی وی پروگرام میںگفتگو کرتے ہوئے کہتے ہیں کہ لاہور کے سیاستدانوں کے ازدواجی معاملات ہم کبھی زیر بحث نہیں لائے ، ان کا اشارہ شریف برادران کی جانب تھا ، انہوں نے کہا کہ کسی نے شہباز شریف سے سوال نہیں اٹھایا کہ وہ اپنی دوسری بیوی سے کیوں ملاقات نہیں کرتے؟اگر ہم ایک سیاسی خاندان کے ازدواجی معاملات پر بات نہیں کرتے تو پھر عمران خان کے نجی معاملات اور شادی اور طلاق پر میں بات نہیں کروں گا۔
