فیصل آباد(این این آئی) پاکستان مسلم لیگ ن کے مرکزی رہنما سابق ممبر قومی اسمبلی و میئر ٖفیصل آبادچوہدری شیر علی نے کہا ہے کہ امریکی صدرٹرمپ کے دھمکی آمیز بیان پر مسلم لیگ کے قائد میاں محمد نواز شریف کا رد عمل خوش آئند ہے ۔صحا فیوںسے غیر رسمی گفتگو کرتے ہوئے امریکی صدر کی طرف سے پاکستان کو دی جانے والی دھمکیوں کی شدید مذمت کرتے ہوئے چوہدری شیر علی نے کہا کہ امریکہ افغانستان
میں اپنی ناکامی کے بعد پاکستان پر بہتان تراشیوں پر اتر آیا ہے توپاکستان کو بھی چاہیئے کہ امریکہ پر لعنت بھیجے اور ڈٹ جائے چو ہدری شیر علی نے آرمی چیف قمر جاوید باجوہ کے بیان کو حوصلہ افزا قرار دیااور کہا کہ حالات کا تقاضہ ہے پوری قوم سیسہ پلائی دیوار بنے اور متحد ہوکر کسی بھی دشمن کے ناپاک ارادے خاک میں ملا دیں
انہوں نے کہاکہ عوام کی زندگیوں میں خوشحالی لانا مسلم لیگ ن کا مشن ہے مسلم لیگ کی حکومت نے اپنے اسی دور حکومت میں اللہ کی مدد اور قوم کے تعاون سے قوم سے کئے تمام وعدے پورے کرکے دکھائے، ملک کو لود شیڈنگ کی لعنت چھٹکارا دلایااور انشاء اللہ آئندہ الیکشن میں اللہ کی مدد سے میاں نواز شریف کی قیادت میں مسلم لیگ ن جھوٹ، منافقت اور الزام تراشی نے والوں کا کا دھرن تختہ کریگی۔
