اسلام آباد (مانیٹرنگ ڈیسک) پاکستان تحریک انصاف کے چیئرمین کی گزشتہ دنوں ایک ویڈیو سامنے آئی تھی جس میں انہوں نے پارلیمنٹ ہاؤس میں موجود داڑھی والوں کے بارے میں کہا تھا کہ 80 فیصد داڑھی والے دو نمبر ہوتے ہیں اور باقی کے 20 فیصد پر مجھے شک ہے، عمران خان کے اس بیان پر ایک عالم دین مولانا ناصر مدنی کا ویڈیو بیان سامنے آیا ہے جس میں انہوں نے تحریک انصاف کے چیئرمین عمران خان پر تنقید کی ہے، اپنے ویڈیو بیان میں مولانا ناصر مدنی نے تحریک انصاف کے

چیئرمین عمران خان کو کہا کہ آپ کے اس بیان سے تو ایسا لگ رہا ہے کہ آپ کو اپنی والدہ کا نکاح اور جنازہ پڑھانے والے مولوی پر بھی شک ہے اور اپنے والد کو داڑھی رکھوانے والے مولوی پر بھی شک ہے، مولانا ناصر مدنی نے مزید کہا کہ انتخابات میں مولویوں نے تحریک انصاف کی اینٹ سے اینٹ نہ بجا دی تو ہمارا نام بدل دیجئے گا، مولانا ناصر مدنی نے اس موقع پر مسجد میں موجود افراد سے حلف لیا کہ تحریک انصاف کے چیئرمین عمران خان کو کوئی ووٹ نہیں دے گا۔