فیصل آباد (مانیٹرنگ ڈیسک) ایف آئی اے فیصل آباد نے سادہ لوح لوگوں کے ساتھ ایک بلین روپے کا فراڈ کرنیوالی کمپنی کا چیئرمین گرفتار کرلیا‘ تفصیلات کے مطابق ایف آئی اے فیصل آباد کے ڈپٹی ڈائریکٹر ساجد اکرم کی ہدایت پر کی جانیوالی کارروائی کے دوران سادہ لوح لوگوں کے ساتھ 100 کروڑ سے زائد کا فراڈ کرنیوالی کمپنی ایم این ایم
کے چیئرمین محمد احمد سیال کو گرفتار کر کے تھانہ پیپلز کالونی کی حوالات میں بند کردیا۔ اس سے قبل ایف آئی اے نے ایم این ایم کمپنی کے مینجر اور دیگر ٹیم کو حراست میں لیا تھا ‘ ایف آئی اے نے شہریوں کی متعدد درخواستوں کے بعد کمپنی کیخلاف کارروائی کی۔ ملزم کا جسمانی ریمانڈ حاصل کرنے کیلئے آج عدالت میں پیش کیا جائیگا۔
