حیدرآباد(این این آئی)جمعیت علماء پاکستان (نورانی) و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے کہا ہے کہ ٹرمپ کے بیان سے قرآن کی حقانیت ثابت ہوگئی ہے قرآن پاک 1400 سال پہلے اعلان کرچکا ہے کہ جب تک تم مسلمان ہویہود ونصاریٰ تم سے کبھی راضی نہیں ہوں گے لیکن ہمارے سابق حکمرانوں نے ایک ٹیلیفون پر ان کو راضی کرنے کیلئے اپنا سب کچھ قربان کردیا تھاانہی کے کہنے پردوستوں کودشمن بنایا،
ملک کواربوں روپے کا نقصان پہنچایا،ہزاروں جوان شہید کروائے، ملک کو بدامنی دہشت گردی کی آگ میں جھونک دیااس احسان کو ماننے کی بجائے آج اس کا صلہ ٹرمپ نے یہ کہہ کر دے دیا کہ پاکستان جھوٹا اور دھوکے باز ہے،مسلسل دھمکیوں کے باوجود ہمارے حکمراں امریکہ سے وفااور دوستی کی امید لگائے بیٹھے ہیں اور اس کو منہ توڑ جواب دینے کے بجائے اس کو خوش کرنے کیلئے حافظ سعید اور ان کی فلاحی تنظیموں کے خلاف کاروائی کررہے ہیں۔
