فیصل آباد(آن لائن)وفاقی مشیر خزانہ و اقتصادی اامور مفتاح اسماعیل نے کہا ہے کہ میں نے یا میرے خاندان نے کبھی ٹیکس چوری نہیں کیا میرا زاتی کاروبار ہے اور کمپنی سالانہ چالیس سے پچاس کوڑ روپے حکومت پاکستان کو ٹیکس اداکرتی ہے جبکہ میں خود بھی ایک کروڑ 50لاکھ روپے لگ بھگ سرکاری خزانہ میں ٹیکس جمع کراتا ہوں آن لائن کے مطابق یہ بات انہوں نے گذشتہ روز ایک نجی ٹی وی پروگرام میں بتائی

انہوں نے کہا کہ میرا جو رفنڈ محکمہ انکم ٹیکس کے ذمہ واجب ادا ہے وہ بھی میں نے وصول نہ کرنے کا فیصلہ کیا ہے ،وفاقی مشیر خزانہ مفتاح اسماعیل نے مزید بتایا کہ ملک کی کوئی سیاسی جماعت جن میں تحریک انصاف بھی شامل ہے میرے کاروبار اور ذاتی ٹیکس کی ادائیگی پر نہ صرف اعتراض کرسکتی ہے بلکہ میری طرف سے اجازت ہوگی کہ وہ کسی بھی ملکی اور غیر ملکی فرم کے ذریعے میرا آڈٹ کرا سکتی ہے اور اس کی میں ہر طرح

کی تسلی بھی کرانے کو تیار ہوں وفاقی مشیر خزانہ نے مزید کہا کہ سابق وزیر اعظم میاں نواز شریف کے اقتدار سنبھالنے کے بعد ملک نے ترقی کا سفر شروع کررکھا تھا مگر ان کی حکومت کے علیحد گی کے بعد معیشت کو دھیچکا لگا جس سے سٹاک مارکیٹ کوبھی کافی نقصان پہنچا مگر ہم کوشش کر رہے ہیں ملک میں کاروبار استحکام پیدا ہوا تاکہ میاں نواز شریف نے گزشتہ انتخابات میں عوام سے جووعدے کئے تھے اسے عملی جامہ پہنا یا جاسکے ۔