لاہور ( این این آئی) پاکستان تحریک انصاف کی مرکز ی رہنما ڈاکٹر یاسمین راشد نے کہا ہے کہ حکمران ملک کو نقصان پہنچانے کے لئے کوئی موقع ہاتھ سے نہیں جانے دیتے ، نواز شریف کی چوری رنگے ہاتھوں پکڑی جا چکی ہے اور اب انکا سیاسی مستقبل تاریک ہو چکا ہے ۔ انہوں نے کہا کہ ادارو ں کو مضبوط بنانے کے بجائے کمزور کیا ہے اور غریب عوام کی خدمت کرنے کے بجائے صرف اپنی تجوریاں بھری ہے ،

ملک کا حکمرانوںنے دیوالیہ نکال کر رکھ دیا ہے ، انہوں نے کہا کہ ملک کو درپیش چیلنجز کے ذمہ دار موجودہ حکمران ہے ،بھارت سے دوستی کی پینگیں بڑھانے والے نواز شریف نے ملکی سلامتی کو دائو پر لگا دیا ہے ، بھارتی ایجنٹ بار بار کہہ رہا ہے کہ میں دہشت گرد ہوں اور میں نے پاکستان میں دہشت گردی کی کاروائیاں کی ہے

لیکن نواز شریف نے آج تک بھارتی ایجنٹ کا نام تک نہیں لیا ، حکمرانوں کے تعلقات ذاتی نہیں بلکہ ملکوں کے ساتھ ہوتے ہے ، لیکن شریف فیملی دوسرے ممالک کے ساتھ وہاں کے حکمران خاندانوں سے ذاتی مراسم قائم کر رکھے ہے جو ملک او ر قوم کے لئے کسی خطرے سے کم نہیں ۔

موضوعات:یاسمین راشد