اسلام آباد(مانیٹرنگ ڈیسک)دفتر خارجہ میں کلبھوشن یادیو کی اپنی ماں اور اہلیہ سے ہونے والی ملاقات کے موقع کی ایک تصویر جاری کی گئی ہے جس میں صاف دیکھا جا سکتا ہے کہ جس جگہ پر ملاقات کرائی گئی ہے وہ ایک کیبن ہے جس کے ایک طرف کلبھوشن یادیو ہے اور دوسری طرف انکی ماں اور بیوی ہیں ۔،قریب ہی ایک فون بھی موجود ہے۔
دریں اثناء ترجمان دفتر خارجہ ڈاکٹر محمد فیصل نے بھارتی جاسوس کلبھوشن یادیو کو قونصلر رسائی دینے کی تردید کردی۔ پیر کوترجمان دفتر خارجہ نے کلبھوشن یادیو کو قونصلر رسائی دینے کے معاملے پر وضاحت جاری کی ہے۔ترجمان دفتر خارجہ کی جانب سے جاری بیان میں کہا گیا ہے کہ کلبھوشن سے اہل خانہ کی ملاقات میں بھارتی سفارت خانے کے افسر کی موجودگی کوقونصلر رسائی سے تعبیر نہیں کیا جا سکتا۔گزشتہ روز نجی ٹی وی سے گفتگو میں زیر خارجہ خواجہ آصف نے کہا تھا کہ بھارتی جاسوس کلبھوشن یادیو کو قونصلر رسائی دے دی اور اگر بھارت ہماری جگہ ہوتا تو ہمیں یہ رعایت نہیں دیتا۔ وزیر خارجہ کے اس بیان پر دفتر خارجہ کو وضاحت جاری کرنا پڑی ہے ۔
