اسلام آباد (مانیٹرنگ ڈیسک )جہانگیر ترین کی نا اہلی کا فیصلہ آنے کے بعد جہاں ان کی حمایتی ان کی ہمت بندھانے میں لگے ہیں وہیں مخالفین طنز اور سخت تبصروں سے نشتر بھی چبھو رہے ہیں۔ جہانگیر ترین اس ساری صورتحال میں خاموش ہیں اور ان کی جانب سے تاحال اپنے سیاسی مخالفین کو کوئی جواب نہیں دیا گیا۔ سوشل میڈیا پر ن لیگ حامی جہانگیر ترین کی نا اہلی کا جشن منانے میں مصروف ہیں اور

اسی دوران شہباز شریف کے صاحبزادے سلمان شہباز کا ایک ٹویٹ سامنے آیا ہے گو کہ انہوں نے اپنے اس ٹویٹ کو کچھ دیر بعد ڈیلیٹ کر دیا تھا تاہم سیاسی تبصرہ نگار اسے نہایت سخت قرار دے رہے ہیں۔ سلمان شہباز نے اپنے ٹویٹر پیغام میں جہانگیر ترین کی نا اہلی پر تبصرہ کرتے ہوئے لکھا تھا کہ ”جاؤ جا کر پیاز اور گنے اگاؤ ،پاکستان سکون میں آگیا ہے“۔ان کا مزید کہنا تھا کہ ’’تم نے اپنی سیاسی قبر کود کھودی ہے‘‘۔