اسلام آباد (مانیٹرنگ ڈیسک ) علیم خان اربوں روپے مالیت کی زمین زمینوں پر قبضے میں ملوث ، عمران خان کی دوسری اے ٹی ایم مشین ہے، کارروائی کریں گے تو ہم پر سیاسی انتقام کا الزام لگے گا ،علیم خان کے خلاف نیب کو کارروائی کرنی چاہیے ، پرویز مشرف کا دور ہو یا راحیل شریف کا نواز شریف جانتے ہیں کہ میں ملکی مفاد کو
مقدم اور مل کر کام کرنے کی بات کرتا ہوں، ن لیگ میں بعض لوگ مل کر کام کرنا چاہتے ہیں مگر بعض لوگ اس بات سے متفق نہیں، شہباز شریف کی نجی ٹی وی جیو نیوز کے پروگرام ’’آج شاہزیب خانزادہ کے ساتھ ‘‘میں خصوصی گفتگو۔ تفصیلات کے مطابق نجی ٹی وی جیو نیوز کے پروگرام ’’آج شاہزیب خانزادہ کے ساتھ‘‘خصوصی گفتگو کرتے ہوئے وزیراعلیٰ پنجاب شہباز شریف نے مختلف سوالات کا جواب دیتے ہوئے کہا کہ عمران خان کے اردگرد کرپٹ لوگ بیٹھے ہیں۔ علیم خان اربوں روپے مالیت کی زمین زمینوں پر قبضے میں ملوث ، عمران خان کی دوسری اے ٹی ایم مشین ہے، کارروائی کریں گے تو ہم پر سیاسی انتقام کا الزام لگے گا ،علیم خان کے خلاف نیب کو کارروائی کرنی چاہیے۔ ان کا کہنا تھا کہ حدیبیہ کیس کے فیصلے نے دودھ کا دودھ اور پانی کا پانی کر دیا۔ شہباز شریف نے ایک سوال کا جواب دیتے ہوئے کہا چاہے پرویز مشرف کا دور ہو یا راحیل شریف کا نواز شریف جانتے ہیں کہ میں ملکی مفاد کو مقدم اور مل کر کام کرنے کی بات کرتا ہوں، ن لیگ میں بعض لوگ مل کر کام کرنے کی حمایت جبکہ بعض اس بات سے اتفاق نہیں کرتے۔
