اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی و تجزیہ کار ڈاکٹر شاہد مسعود کا کہنا تھا کہ حدیبیہ کا معاملہ ختم نہیں ہوا، عدالت نے اسے تکنیکی بنیادوں پر خارج کیا ہے، حدیبیہ ک معاملہ اب ایک نئی صورت لیکر سامنے آرہا ہے۔
اسحاق ڈار کو تو بستر پر ہی رہنےدیں کیونکہ سعید احمد یا جاوید کیانی کے بیانات پر نیب کا کیس تیار ہو رہا ہے اور یہاں سے شہباز شریف پکڑے جائیں گے۔ ن لیگ کی ایک ٹیم چاہتی ہے کہ کوئی بھی وزیراعظم بن جائے لیکن شہباز شریف نہ بنیں کیونکہ ان کے آپس میں بڑے شدید اختلافات ہیں اور خاندان میں گہری سرد مہری ہے ، یہاں پر بھی حمزہ اور مریم کے اختلافات عیاں ہیں۔ سعد رفیق سمیت رانا ثنا اللہ نے بھی جہانگیر ترین کے نا اہل ہونے پر افسوس کا اظہار کیا کیونکہ انہیں یہ ہدف دیا گیا تھا۔ شاہد خاقان عباسی اس نظام سے بے زار ہو گئے ہیں، زیادہ دبائو آیا تو وہ اسمبلیاں توڑ دینگے۔ یہ بات انہوں نے اپنے ساتھیوں سے کی ہے، اس پر ہی سپیکر نے بات کی۔ ایاز صادق نے بیان نواز شریف سے پوچھ کر دیا تھا۔ ان سب کی خواہش ہے کہ مارشل لا لگ جائے اور عدالتوں کے ذریعے جزا و سزا کا نظام نہ ہو اور ہم بچ کر نکل جائیں۔ شہباز شریف اس وقت مسائل میں پھنسے ہوئے ہیں۔ طاہر القادری پانچ قدم بڑھا کر مال روڈ کی طرف جائینگے تو شہباز شریف کی حکومت مشکل میں پڑ جائیگی۔ شاہد خاقان عباسی حکومت کا بوجھ نہیں سنبھال پا رہے جس کے بعد چوہدری نثار کا بیان آیا۔ پیپلزپارٹی نے سندھ اسمبلی توڑنے کی دھمکی دی ہے۔الیکشن جب بھی ہوں سب کا احتساب ہو گا۔
