اسلام آباد(مانیٹرنگ ڈیسک)گزشتہ روز سپریم کورٹ نے عمران خان اور جہانگیر خان ترین کی نا اہلی کیس کا فیصلہ سناتے ہوئے عمران خان کو کلین چٹ دی جبکہ جہانگیر خان ترین کو تاحیات نا اہل قرار دیدیا۔ فیصلہ سننے کیلئے آئے ہوئے ن لیگ کے رہنما اور درخواست گزار حنیف عباسی پر سپریم کورٹ کے باہر پی ٹی آئی کارکنوں نے حملہ آور ہونے کی کوشش کی۔ ممکنہ حملے سے بچانے کیلئے ن لیگی کارکنوں نے حنیف عباسی کو گاڑی تک حصار میں پہنچایا تاہم حنیف عباسی جب اپنی
گاڑی میں سوار ہو کر وہاں سے نکلنے لگے تو پی ٹی آئی کے کارکن جو بڑی تعداد میں سپریم کورٹ کے باہر موجود تھے ان کی گاڑی پر حملہ آور ہوئے مگر حنیف عباسی کا ڈرائیور تیز رفتاری سے گاڑی ہجوم سے نکال کر لے جانے میں کامیاب ہو گیا جبکہ بڑی تعداد میں پی ٹی آئی کارکنوں کوپولیس نے بھی روکے رکھا۔ حنیف عباسی کی سکیورٹی پر معمور پولیس کی وین کو پی ٹی آئی کارکنوں کے ہجوم نے روک لیا جو کافی دیر کے بعد جا کر حنیف عباسی کی گاڑی کے ساتھ جا ملی۔
