لاہور( این این آئی) پاکستان پیپلز پارٹی کل ( جمعہ) کو جنوبی پنجاب کے شہر ملتان میں اپنی سیاسی قوت کا مظاہرہ کرے گی ۔ جلسے میں پیپلز پارٹی کے چیئرمین بلاول بھٹو سمیت مرکزی اور صوبائی قیادت شرکت کرے گی ۔ پیپلز پارٹی جنوبی پنجاب سے تعلق رکھنے والے رہنما جلسے کی کامیابی کیلئے کئی ہفتوں سے کوشاں ہیں۔ علاوہ ازیں پیپلزپارٹی کے چیئرمین بلاول بھٹو زرداری نے اپنے ویڈیو پیغام میں کہا ہے کہ میں 15دسمبر کو صوفیوں کے شہر ملتان میں جلسہ عام سے خطاب کرنے آرہا ہوں۔آپ سب اس میں شریک ہو کر اسے ملتان کی تاریخ کا سب سے بڑا جلسہ بنائیں۔ میں 15دسمبر کو قاسم باغ میں آپ کا منتظر رہوں گا ۔