کراچی (آئی این پی) چیئرمین پاکستان تحریک انصاف عمران خان نے کہا کہ الیکشن کمیشن نے (ن) لیگ سے مل کر دھاندلی کی تھی، میں نے صرف یہ کہا تھا صرف 4حلقے تحقیقات کیلئے کھول دیں، نواز شریف سے پاناما پر پوچھا تو ،جھوٹ پر جھوٹ بولے، کراچی کے حکمران کوئی لندن کوئی دبئی میں بیٹھا ہے،
نیب کے مطابق 4ہزار ارب کی کرپشن ہوئی ہے، حکومت فوری طور پر فاٹا کو کے پی میں ضم کرے، حکومت کو فوری طور پر قبل از وقت انتخابات کا اعلان کرنا چاہیے۔ بدھ کو عمران خان نے تاجروں سے خطاب کرتے ہوئے کہا کہ ساری سیاسی جماعتوں کو معلوم تھا 2013کے الیکشن میں دھاندلی ہوئی، میں نے صرف یہ کہا تھا صرف 4حلقے تحقیقات کیلئے کھول دیں، میں نے کہا تھا آج تحقیقات نہ کی تو 2018میں بھی دھاندلی ہو گی، الیکشن کمیشن نے (ن) لیگ سے مل کردھاندلی کی تھی۔ انہوں نے کہا کہ نواز شریف سے پاناما پر پوچھا تو، جھوٹ پر جھوٹ بولے، میں احتجاج نہ کرتا تو پاناما کو دفن کر کے اس پر پھول اگے ہوتے، خیبرپختونخوا میں پولیس ادارہ بن گیا ہے، خیبرپختونخوا پولیس نے دہشت گردی کو روکا،شوگر مافیا جیسی صنعتوں کے خلاف ایکشن لیں گے، شوگر مافیا کسان کو اس کا پیسہ نہیں دیتی، ناظم کے براہ راست انتخابات ہونے چاہئیں، کراچی کے حکمران کوئی لندن کوئی دبئی میں بیٹھا ہے، نیب کے مطابق چار ہزار ارب کی کرپشن ہوئی ہے،سارے اداروں کو تباہ کر دیا گیا، حکومت کو فوری طور پر قبل از وقت انتخابات کا اعلان کرنا چاہیے، حکومت فوری طور پر فاٹا کو کے پی میں ضم کرے، فاٹا اسی طرح رہ گیا تو پھر وہاں دہشت گردی ہونے لگے گی، فاٹا کا معاملہ الیکشن قبل حل ہونا چاہیے، اسحاق ڈار بستر پر پڑے ہوئے ہیں، ملک میں بلدیاتی نظام پر کوئی احتساب نہیں۔
