اسلام آباد (مانیٹرنگ ڈیسک) معروف تجزیہ کار اور اینکر آفتاب اقبال نے کہا کہ عمران خان اور نواز شریف ایک پیج پر آ سکتے ہیں، تفصیلات کے مطابق ایک نجی ٹی وی چینل کے پروگرام خبردار میں آفتاب اقبال نے کہا کہ عمران خان اور نواز شریف ملک میں موجود ایشوز کے معاملے پر ایک پیج پر آ سکتے ہیں، سانحہ ماڈل ٹاؤن کیس پر دونوں ایک پیج پر نہیں بلکہ ایک سطر میں آ سکتے ہیں لیکن اصولوں کے معاملے میں وہ دونوں 180ڈگری پر کھڑے ہیں۔ انہوں نے کہا کہ عمران خان نواز شریف کے ساتھ کمپرومائز کر سکتے ہیں لیکن زرداری

کے ساتھ کبھی نہیں کریں گے۔ میری عمران خان پر سب سے بڑی تنقید ہی یہی ہے کہ اس نے اپنا موقف کیوں چھوڑا؟ جب عمران خان نے کہا تھا کہ تحریک انصاف نوجوانوں کا گہوارہ ہے تو پھر ڈیڑھ دو دو سال کے برگد اٹھا کر کہیں سے لے آئے؟ آپ اپنے نعرے پر قائم رہتے اور اس کے ساتھ ساتھ خیبر پختونخواہ میں اپنی حکومت کی کار کردگی کو چیک کرتے رہتے کیونکہ کے پی کے میں جو کچھ ہو رہا ہے، مستقبل میں اسے دیکھا جائے گا۔ پہلے عمران خان نے پنجاب میں میٹرو بس پر تنقید کی اور پھر پشاور میں خود بھی وہی سلسلہ کھول لیا ہے۔