لاہور(مانیٹرنگ ڈیسک) پی ایس پی کے سربراہ مصطفی کمال نے کہا ہے کہ نوازشریف اب سیاست نہیں کر سکتے،اعلی عدلیہ نے انہیں نااہل قراردیدیا ہے ‘ ملک میں سیاسی بحران پیدا ہوچکا ہے،موجودہ وزیراعظم کہتے ہیں میراوزیراعظم نوازشریف ہے،سب حکومت بچانے میں
لگے ہوئے ہیں کوئی ملک کیلئے کام نہیں کررہا،ملک میں گورننس نام کی کوئی چیزنہیں رہ گئی‘ایک شخص کو بچانے کیلئے کوششیں ہورہی ہیں۔لاہور ایئر پورٹ پر میڈیا سے گفتگو کرتے ہوئے مصطفی کمال نے کہا کہ ملک میں سیاسی بحران پیدا ہوچکا ہے،موجودہ وزیراعظم کہتے ہیں میراوزیراعظم نوازشریف ہے،سب حکومت بچانے میں لگے ہوئے ہیں کوئی ملک کیلئے کام نہیں کررہا،ملک میں گورننس نام کی کوئی چیزنہیں رہ گئی نوازشریف اب سیاست نہیں کر سکتے،اعلی عدلیہ نے انہیں نااہل قراردیاہے،اداروں کاحکم نہیں مانیں گے توملک نہیں چل سکتا،ایسے حالات میں بیوروکریسی بھی کام چھوڑدیتی ہے، ملک میں حکومت اورحکومتی ادارے نہیں چل رہے۔انہوں نے کہا کہ لاہور پاکستان کا دل ہے یہاں آکر خوشی ہوتی ہے طاہرالقادری نے فون پرملاقات کی دعوت دی ۔انہوں نے کہا کہ پاکستان سیاسی بحران کاشکارہے،ہم نے پاکستان کے حقیقی مسائل پربات کی،پاکستان میں ڈھائی کروڑ بچے سکول نہیں جاتے،ملک میں صحت اورتعلیمی نظام کابراحال ہے اورہرسال پاکستان میں3لاکھ بچے بھوک سے مرجاتے ہیں۔
