کوئٹہ (مانیٹرنگ ڈیسک) کوئٹہ کے علاقے میں رکن صوبائی اسمبلی سید لیاقت آغا کا بیٹا اتفاقیہ گولی چلنے سے جاں بحق ہوگیا۔تفصیلات کے مطابق جمعرات کو کوئٹہ کے ائر پورٹ روڈ پر واقع کلی عمر میں رکن صوبائی اسمبلی سید لیاقت آٖغا کا بیٹا سید جعفر شاہ پستول صاف کررہا تھا کہ اچانک گولی چل گئی جس سے وہ شدید
زخمی ہوگیا زخمی کو تشویشناک حالت میں ایف سی ہسپتال کوئٹہ منتقل کردیا گیا جہاں دوران علاج زخموں کی تاب نہ لاتے ہوئے چل بسا ہسپتال انتظامیہ نے لاش کو ضروری کاروائی کے بعد ورثاء کے حوالے کردیا خاندانی ذرائع کے مطابق سید جعفر شاہ کی تدفین جمعہ کو ان کے آبائی علاقے کلی کربلا پشین میں اداکی جائے گی ۔
