اسلام آباد (مانیٹرنگ ڈیسک)ریحام خان کے ن لیگ کی قیادت میں موجود اہم خواتین سے رابطوں کا انکشاف، الیکشن سے قبل عمران خان پر دو ذاتی حملے کئے جائیں گے جن میں سے ایک ریحام خان کے ذریعے کیا جائے

گا، نجی ٹی وی ایکسپریس نیوز کے معروف اینکر منصور علی خان کا دعویٰ۔ تفصیلات کے مطابق نجی ٹی وی ایکسپریس نیوز کے اینکر منصور علی خان نے انکشاف کرتے ہوئے کہا کہ میں یہ بات تو نہیں جانتا کہ آیا عمران خان کی سابق اہلیہ ریحام خان کا مریم نواز سے رابطہ ہے کہ نہیں لیکن اتنا ضرور جانتا ہوں کہ ریحام خان ن لیگ کی قیادت میں موجود اہم خواتین رہنمائوں کے ساتھ رابطے میں ہیں۔ انہوں نے دعویٰ کرتے ہوئے کہا کہ عام انتخابات 2018سے قبل ریحام خان سیاسی طور پر متحرک ہو جائیں گی ۔ منصور علی خان کا کہنا تھا کہ ریحام خان سے عمران خان کے خلاف بہت کام لیا جائے گا جس کو کرنے کا وہ خود بھی ارادہ رکھتی ہیں۔ ریحام خان کے ذریعے عمران خان کے لیے حالات مشکل کیے جائیں گے کیونکہ ن لیگ آرام سے صرف مار نہیں کھاتی رہے گی بلکہ وہ بھی کچھ کرنے کا ارادہ رکھتی ہے۔ انہوں نے دعویٰ کرتے ہوئے کہا کہ عام انتخابات سے قبل عمران خان پر دو ذاتی حملے کیے جائیں گے جن میں سے ایک حملہ ریحام خان کے ذریعے کروایا جائے گا جبکہ دوسرے کے بارے میں ابھی واضح طور پر کچھ کہنے کی پوزیشن میں نہیں ہوں۔

موضوعات:(ن) لیگ ریحام خان منصور علی خان