اسلام آباد(مانیٹرنگ ڈیسک)نجی ٹی وی سما نیوز کے پروگرام میں گفتگو کرتے ہوئے پیپلزپارٹی پنجاب کے صدر قمر زمان کائرہ نے گفتگو کرتے ہوئے کہا ہے کہ سوال یہ ہے آج کہ نواز شریف نااہل ہو گئے اور ان کا سیاست میں آنے کا اب تک کوئی چانس نظر نہیں آرہا، باقی خاندان نیب عدالتوں کا سامنا کر رہا ہے، شہباز شریف کے اوپر حدیبیہ پیپر کی تلوار لٹک رہی ہے، شاید ان کی قسمت کھل جائے۔
ان سارے کیسز کے دوران جو لوگ اپنا مستقبل ڈھونڈ رہے ہیں کہ جیتیں گے کہاں سے وہ مسلم لیگ کو چھوڑنے میں کوئی عار محسوس نہیں کریں گے ، اس کے کئی بہانے ہو سکتے ہیں۔ لوگ تحریک انصاف میں جانے کی کی کیوں کوشش کر رہے ہیں؟اس لئے تاثر یہی ہے ، وہ لوگ نیا پاکستان بنانے کیلئے نہیں جا رہے، کسی اعلیٰ اخلاقی اصولوں کی تکمیل کیلئے تحریک انصاف میں نہیں جا رہے بلکہ وہ انتہائی سادہ بات کرتے ہیں کہ ان کی مقبولیت ہے اس لئے ووٹ وہاں پڑے گا اور اسی سادہ اصول پر سیاست ہو رہی ہے، تحریک انصاف بھی اسی اصول کو دیکھتے ہوئے لوگوں کو اپنی جماعت میں شامل کر رہی ہے کہ کوئی اگر منتخب نمائندہ ہے تو آتا ہے تو آجائے اور یہ وقت ن لیگ کیلئے انتہائی خوفناک ہے۔واضح رہے کہ پروگرام کے دوران تحریک انصاف کے وائس چیئرمین شاہ محمود قریشی بھی پروگرام میں موجود تھے اور صحافتی حلقوں کے مطابق پیپلزپارٹی سے تحریک انصاف میں شامل ہونے والے افراد کو شاہ محمود قریشی کی کمپین کے نتیجے میں تحریک انصاف میں شامل ہوئے ہیں اور تحریک انصاف میں پیپلزپارٹی سے تحریک انصاف میں شامل ہونے والے افراد کے جتھے کی قیادت بھی شاہ محمود قریشی ہی کررہے ہیں۔
