اسلام آباد (مانیٹرنگ ڈیسک )جی سی یونیورسٹی فار ویمن سیالکوٹ کی تقریب میں وزیر خارجہ خواجہ محمد آصف کو طالبات نے گھیر لیا، بے پناہ پذیرائی اور مقبولیت پر خود خواجہ آصف حیران رہ گئے، مینا بازار کے سٹالز کے دورے پر طالبات خواجہ آصف کو سبزی کے ریٹ یاد دلا دلا

کر چھیڑتی رہیں جس پر خواجہ آصف مسکراتے رہے۔ تفصیلات کے مطابق وزیر خارجہ خواجہ آصف جب جی سی یونیورسٹی فار ویمن سیالکوٹ کی تقریب تقسیم اسناد میں شرکت کیلئے یونیورسٹی پہنچے تو جی سی یونیورسٹی کی طالبات نے خواجہ آصف کو گھیر لیا اور ان کے ساتھ سلفیاں بناتی رہیں۔ جی سی یونیورسٹی کی طالبات کی جانب سے اتنی پذیرائی پر خود خواجہ آصف بھی حیران رہ گئے۔ طالبات کی جانب سے اس موقع پر مینا بازار کا بھی انعقاد کیا گیا تھا جس کے دورے پر سٹال لگائے طالبات خواجہ آصف کو سبزی کے ریٹ یاد دلا دلا کر چھیڑتی رہیں، آلو ، پیاز 120 روپے کلو ہے صاحب، طالبات کی جانب سے ان جملوں پر خواجہ آصف مسکراتے ہوئے آگے کو چل دئیے۔ جی سی یونیورسٹی کی تقریب میں وزیر خارجہ خواجہ آصف نے طالبات میں لیپ ٹاپ بھی تقسیم کئے جبکہ اس موقع پر نمایاں کارکردگی دکھانی والی طالبات کو پولیس کے چاک و چوبند دستے نے گارڈ آف آنر بھی پیش کیا۔