اسلام آباد(آئی این پی) وزیرقانون پنجاب رانا ثنا اللہ نے کہا کہ احتساب عدالت پر نگران جج کی وجہ سے دبائو ہے، اسلام آبادہائیکورٹ کے فیصلے نے ہمارے شکوک کو ثابت کردیا ہے، عدالت کافیصلہ تسلیم کیا تاکہ انتشار نہ پھیلے، ہمارے خلاف سازش کرنیوالے مختلف کردار ہیں،

جن کا مہرہ عمران خان ہیں،اسٹیبلشمنٹ ایک سوچ کا نام ہے، جس کے کچھ مہرے میڈیا میں بھی بیٹھے ہیں۔ منگل کو نجی ٹی وی سے گفتگو کرتے ہوئے رانا ثنا اللہ نے کہا کہ اسلام آباد ہائیکورٹ کے فیصلے نے ہمارے شکوک ثابت کردیے، احتساب عدالت پر نگران جج کی وجہ سے دبائو ہے، احتساب عدالت میں دائر کی جانے والی درخواست10منٹ بعد مسترد ہوجاتی ہے، ہمیں کہا جاتا ہے کہ چھ ماہ میں فیصلہ کرنا ہے، انہوں نے کہا کہ بطور وکیل عدالتی کاروائی کا طریقہ کار ہم بھی جانتے ہیں۔ستر سالوں کی تاریخ میں اس طرح کبھی جے آئی ٹی نہیں بنی،کوئی نگران جج اس طرح نہیں بٹھایا گیا،عدالت کا فیصلہ ہم نے آئین کی بالادستی کیلئے تسلیم کیا تاکہ انتشار نہ پھیلے ، لیکن ہونے والی ناانصافی کو ریکارڈ پر لاتے رہیں گے۔ اگرکوئی اپیل کا حق دیا گیا تو استعمال کریں گے۔ سازش کرنے والے مختلف کردار ہیں جن کو اسٹیبلشمنت کا نام دیا جاتا ہے، اور عمران خان اس کا مہرہ ہے،اسٹیبلشمنٹ ایک سوچ کا نام ہے جس کے مہرے میڈیا میں بیٹھے ہوئے ہیں۔