لاہور( این این آئی)پاکستان میں ہلچل مچانے والی پانامہ لیکس ابھی مکمل طور پر پس منظر میں نہیں گئی تھی کہ پیرا ڈائز لیکس موضوع بحث بن گئی ہے ۔میڈیا میں خبریں آنے کے بعد سرکاری و نجی دفاتر ، سیاسی و مذہبی حلقوں ،تجارتی مراکز اور پبلک مقامات میں پیرا ڈائزلیکس موضوع بحث ہے اور ایک دوسرے سے یہ
سوال کیا جارہا ہے کہ ’’ اب کس کا نام آیا ہے؟ ‘‘ ۔ حکمران جماعت سے تعلق رکھنے والے رہنما اورکارکن اپوزیشن جماعتوں خصوصاً پی ٹی آئی کی کسی شخصیت کا نام جاننے کے لئے بیتاب نظر آئے جبکہ دوسری طرف اپوزیشن جماعتوں خصوصاً پی ٹی آئی والوں کی طرف سے (ن) لیگ کی کسی شخصیت کا نام آنے بارے دلچسپی سے پوچھا جاتا رہا ۔
