لاہور(مانیٹرنگ ڈیسک)پاکستان کے میدانوں میں انٹرنیشنل کرکٹ تو رواں سال ہی واپس آگئی مگر وہ کرکٹ ٹیم جو 8 سال پہلے ایک دہشت گردی کے حملے کا شکار ہوئی اس کی آج پاکستان کے میدان میں واپسی اصل کامیابی ہے3 مارچ 2009 گورنر راج کے دوران لاہور میں (پیپلز پارٹی کے گورنر مرحوم سلمان تاثیر کا دور حکومت جو 25 فروری2009 سے 31 مارچ 2009 تک رہا ) سری لنکا کی کرکٹ ٹیم پر دہشت گردوں کا حملہ ہوا جس نے پاکستان میں انٹرنیشنل کرکٹ کے دروازے بند کر دئے۔پنجاب میں وزیر اعلیٰ شہباز شریف کی گورننس کی بدولت آج کرکٹ کے میدان پھر آباد ہوئے ہیں.
پنجاب وزیر اعلیٰ کی انتھک محنت کرنے والی ٹیم اور ان کے لگائے ہوئے منصوبے ہی کرکٹ کو واپس لانے میں اہم ثابت ہوئے ہیںجس میں پنجاب سیف سٹی منصوبہ قابل ذکر ہے. لاہور کی انتظامیہ لاہور کی پولیس اور خاص طور پر لاہور کی عوام نے کرکٹ کی واپسی میں اہم کردار ادا کیا ہے. جہاں انتظامیہ اور پولیس نے اپنے فرائض کو بخوبی نبھایا ہے وہاں لاہور کی عوام نے بھی انٹرنیشنل کرکٹ ٹیم کی آمد کے موقع پر انتظامیہ کا بھرپور ساتھ دیا ہے. پنجاب میں سیکورٹی کے بہترین انتظامات کو دیکھتے ہوئے سندھ حکومت نے بھی اپنی پولیس لاہور بھیجی ہے تاکہ وہ یہاں کے انتظامات کو سیکھ کر کراچی میں کرکٹ میچز کے لئے انتظامات بہتر کر سکیں۔
