اسلام آ باد (مانیٹرنگ ڈیسک) سینیٹ کی قائمہ کمیٹی برائے خزانہ کے چیئرمین سینیٹر سلیم مانڈوی والا نے ملتان میٹرو بس منصوبے میں مبینہ کرپشن کے معاملہ پر سیکور ٹیز ایند ایکس چینج کمیشن آ ف پاکستان کو خط لکھ دیا اورحقا ئق چھپانے پر اظہار ناراضگی کیا،خط میں استفسار کیا گیا ہے کہ قا ئمہ کمیٹی کو بتایا جائے کہ چین کے سکیورٹیز کمیشن کی جانب سے جو دستاویزات فراہم کی گئیں تو کیا اس میںیہ معلومات شامل تھی کہ کمپنی کی ملکیت شریف خاندان کی ہے،
اس معاملہ کو ایف آئی اے کو بھیجنے میں تاخیر کیوں کی گئی جبکہ یہ واضح منی لانڈرگ کا کیس تھا۔تفصیلات کے مطابق ملتان میٹرو بس منصوبے میں کرپشن کے معاملہ پر قائمہ کمیٹی ک چئیرمین سینیٹر سلیم مانڈوی والا نے سیکور ٹیز ایند ایکس چینج کمیشن آ ف پاکستان( ایس ای سی پی) کو خط لکھ دیا۔ خط میں ایس ای سی پی کی جانب سے حقائق چھپانے پر چئیرمین قائمہ کمیٹی نے اظہار ناراضگی کیا۔ملتان میٹرو بس منصوبے کے حوالے سے ایس ای سی پی کو ضروری معلومات فوری فراہم کرنے کا حکم دیا۔ خط میں انہوں نے استفسار کیا کہ قائمہ کمیٹی کو بتایا جائے کہ چین کے سکیورٹیز کمیشن کی جانب سے جب دستاویزات فراہم کی گئیں تو کیا اس میںیہ معلومات شامل تھی کہ کمپنی کی ملکیت شریف خاندان کی ہے؟۔اس حوالے سے معلومات اوردستاویزات فراہم کی جائیں۔چین کے سکیورٹیز کمیشن کے ساتھ تبادلہ کی گئی تمام دستاویزات اور معلومات فراہم کی جائیں۔ کمیٹی کو بتایا جائے کہ اس کیس کو ایف آئی اے کو بھیجنے میں تاخیر کیوں کی گئی جبکہ یہ واضح منی لانڈرگ کا کیس تھا۔ان افسران کے نام بتائے جائیں جنہوں نے دستاویزات کو صیغہ راز میں رکھا، معلومات کو چھپانے والے افسران کی ذمہ داری کا تعین کیا جائے۔بتایا جائے کی ایس ای سی پی کی جانب سے نو ماہ تک ایکشن کیوں نہیں لیا گیا۔یاد رہے کہ چین کی جانب سے یہ واضح کیا جاچکا ہے کہ یابیت کمپنی کو پاکستان میں کوئی کام نہیں دیا گیا۔کمپنی کو چین میں جعلی خطوط لکھ کر حکومت کو دھوکہ دینے پر سزا سنائی گئی تھی۔
