اسلام آباد(مانیٹرنگ ڈیسک)خوفناک ٹریفک حادثے میں ہلاک ہونے والےسعودی شخص نےاپنی موت کی ویڈیو ریکارڈ کر لی۔ تفصیلات کے مطابق سعودی شہر الرائن اور البشا کے درمیان ہائی وے پر ایک سعودی شخص خوفناک حادثے میں اپنی موت کی ویڈیو سوشل میڈیا پر تیزی سے وائرل ہو رہی ہے ۔ یڈیو میں دیکھا جاسکتا ہے کہ گاڑی میں سوار 2 نوجوان اونچی آواز میں گانے سنتے ہوئے اپنے سفر کا لطف اٹھارہے تھے۔ ڈرائیور کے ساتھ فرنٹ سیٹ پر بیٹھا شخص یادگارلمحات کو موبائل میں
ریکارڈ کررہا تھا اور دونوں ہی ویڈیو بنانے میں اس قدرمگن تھے انہیں سامنے سے آنے والے خطرے کا احساس تک نہ ہوا ۔ویڈیو میں دیکھا جاسکتا ہے کہ تیز رفتار گاڑی کو سامنے سے آنے والی گاڑی نے زوردار ٹکر ماری جس کے نتیجے میں ڈرائیور موقع پرہی موت کے منہ میں چلا گیا جب کہ دوسرا شخص زخموں کی تاب نہ لاتے ہوئے اسپتال میں دم توڑ گیا۔ یہ پورا واقعہ موبائل میں ریکارڈ ہوگیا اور اگلے ہی روز یہ ویڈیو انٹرنیٹ پر ڈال دی گئی جو وائرل ہوگئی۔
